Subscribe:

Pages

နှုတ်ခွန်းဆက်စကား

Photobucket
ကျွန်တော့ စိတ်ရဲ့ ထွက်ပေါက်လေး တစ်နေရာကို အလည်ရောက်လာပေးလို့ ကျေးဇူးအထူးတင်ပါတယ်။

Saturday, February 11, 2012

ပြည်ထောင်စုလှေ


တက်ညီလက်ညီ လှော်မည်တဲ့ လှော်မည်
ကမ်းမယ့်လက်တို့နွေးထွေးစေ၊ နွမ်းတဲ့မျက်ရည်ကင်းဝေးစေ
မွန်၊ ရှမ်း၊ ကယား နဲ့ ကရင် တို့တွေ
ဗမာ၊ ချင်း၊ ရခိုင် နဲ့ ကချင် တို့ရေ
တစ်ရေတည်းလေ၊ တစ်မြေတည်းနေ
တွဲတဲ့လက်တို့ မြဲကြပါစေ။

တက်ညီလက်ညီ လှော်မည်တဲ့ လှော်မည်
ကြုံတွေ့လာသမျှ အခက်တွေ၊ တင်ကျန်ရစ်တဲ့ အခဲတွေ
ညီညာဖြဖြ ကြေစေဟဲ့ ကြေစေ
ငြိမ်းချမ်းရေးချိုးငှက်ငယ်လေး ပျံသန်းလို့နေ
တွဲတဲ့လက်တို့ မြဲကြပါစေ။

တက်ညီလက်ညီ လှော်မည်တဲ့ လှော်မည်
သဘာဝအလှပေါင်း ခညောင်းတဲ့ပြည်
တို့ပြည်တဲ့ တို့ပြည်
ပြည်သာဖို့သာ ကြိုးပါစို့လေ
တူတာတွေ ပေါင်းစုလို့ ညီညာကြမသွေ
ပြည်ထောင်စုအမွေ မြဲကျန်ဖို့လေ
တွဲတဲ့လက်တို့ မြဲကြပါစေ။
တွဲတဲ့လက်တို့ မြဲကြပါစေ။

သီဟလုလင်

ဒီလိုကဗျာလေးမျိုး (မျိုးချစ်စိတ်ဓါတ် ထက်သန်ရေး ဆိုရမလား) ရေးတာ၊ ခု ကျောင်းသားမဟုတ်တော့တဲ့ အရွယ်မှာ ဒါ ပထမဆုံးပါပဲ။ ဒီနှစ်မှာ ကျရောက်တဲ့ ပြည်ထောင်စုနေ့ ကို ဂုဏ်ပြုပြီးတော့ ရေးလိုက်တာပါ။ ကျွန်တော် ရေးနေကြပုံစံလည်း မဟုတ်တော့ ကြောင်တောင်တောင်တော့ ဖြစ်ကောင်းဖြစ်နေနိုင်ပါတယ်။ ဒါပေမယ့်လည်း ဒီနှစ်မှာ ငြိမ်းချမ်းရေးလှုပ်ရှားမှုတွေလုပ်ဆောင်ဖို့ စိတ်အားထက်သန်လာတာလည်း ပါလာတော့ ကျွန်တော်စမ်းရေးချင်လာလို့ပါ။ ကျွန်တော် ငယ်ငယ်က စာစီစာကုံးနဲ့ ကဗျာတွေကို ခုလို နေ့ထူးနေ့မြတ်တွေအတွက် ပြိုင်ပွဲတွေလုပ်တုန်းကတော့ ဝင်ပြိုင်ခဲ့ပါသေးတယ်။ ဒါပေမယ့် မြို့နယ်အဆင့်တောင် မပါခဲ့တဲ့ ဘဝပါ။ ခုတော့လည်း စာတွေရေးဖြစ်နေတဲ့သူ တစ်ယောက် ဖြစ်နေပါတယ်။ ခုတော့ ပြည်ထောင်စုနေ့ကို ဂုဏ်ပြုချင်လို့ ပြီးတော့ ကျွန်တော်ချစ်တဲ့ မြန်မာပြည်ကြီး အေးချမ်းအောင်လို့ ရည်ရွယ်ပြီး ကိုယ်တတ်သလောက်လေးနဲ့ ကဗျာလေးတစ်ပုဒ် ဖွဲ့သီလိုက်ရပါတယ်။

4 comments:

လွင်ပြင်လှိုင်းငယ် said...

တက်ညီလက်ညီ လှော်မည်တဲ့ လှော်မည်
ကြုံတွေ့လာသမျှ အခက်တွေ၊ တင်ကျန်ရစ်တဲ့ အခဲတွေ
ညီညာဖြဖြ ကြေစေဟဲ့ ကြေစေ
ငြိမ်းချမ်းရေးချိုးငှက်ငယ်လေး ပျံသန်းလို့နေ
တွဲတဲ့လက်တို့ မြဲကြပါစေ။

ကဗျာလေးကကောင်းလိုက်တာ

နွေလ said...

ဒါပေါ့ ဗျ
( ဓာတ်ပြားဟောင်းကြီး ဖွင့်ပါမည် )
တစ်မြေတည်းနေ တစ်ရေတည်းသောက်
တစ်လှေတည်းစီး တစ်ခရီးတည်း သွားနေကြတာပဲ
တက်ညီလက်ညီလှော်ရမှာပေါ့ဗျ
အစ်ကို . . .
ကျွန်တော် နည်းနည်းမောလာလို့
အစ်ကို ခဏလှော်ထားလိုက်ဦး :P

jasmine(တောင်ကြီး) said...

ပြည်ထောင်စုနေကိုအမှတ်ရတဲ့သီဟကိုလေးစားပါတယ်
ချင်တဲ့မကြီးဂျက်

ဘိုဖြူ said...

အမှတ်တရ ပြည်ထောင်စုပေါ့ဗျာ